Erninermut atatillugu sulinngiffeqartarnerit
Erninermut atatillugu sulinngiffeqartarnerit
Naartunermi sulinngiffeqarneq
Naartunermi sulinngiffeqartarneq, tak. Erninermut atatillugu sulinngiffeqartarnermut inatsisimmi § 3, sap.ak. sisamanik sivisussusiligaavoq. Naartunermi sulinngiffeqarneq aallartissaaq ulloq ernivissatut aalajangersarneqarsimasoq sapaatip akunnerinik sisamanik sioqqullugu.
Anaanaasoq kisimi naartunermi sulinngiffeqarsinnaatitaavoq.
Erninermut atatillugu sulinngiffeqarneq
Erninermut atatillugu sulinngiffeqarneq, tak. Erninermut atatillugu sulinngiffeqarnermut inatsimmi § 3, imm. 2 pingaarnerusutigut sapaatip akunnerinik 15-inik sivisussusiligaavoq. Ataatsimik
amerlanerusunilluunniit qitornartaarsimagaanni erninermut atatillugu sulinngiffeqarneq sapaatip akunnerinik 19-inik sivisussusiligaavoq.
Erninermut atatillugu sulinngiffeqarneq naartunermi sulinngiffeqarnermut toqqaannartumik atassuteqarpoq. Erninermut atatillugu sulinngiffeqarneq aallartissaaq qitornaasoq inunngorpat. Anaanaasoq kisimi erninermut atatillugu sulinngiffeqarsinnaavoq.
Ataataasutut sulinngiffeqarneq
Tak. Erninermut atatillugu sulinngiffeqartarnermut inatsimmi § 7 ataataasutut sulinngiffeqarneq sapaatip akunnerinik pingasunik sivisussusiligaavoq. Ataataasutut sulinngiffeqarneq pissaaq erninermut atatillugu sulinngiffeqarnerup sapaatip akunnerinik 15-inik imaluunniit sapaatip akunnerinik 19-inik sivisussuseqartup iluani.
Taamaallaat ataataasoq imaluunniit anaanaqat ataataasutut sulinngiffeqarsinnaapput.
Tak. Erninermut atatillugu sulinngiffeqartarnermut inatsimmi § 12 angajoqqaatut sulinngiffeqartarneq sapaatip akunnerinik 21-nik sivisussusiligaavoq. Ataatsimik amerlanerusunik qitornartaarsimagaanni angajoqqaatut sulinngiffeqartarneq sapaatip akunnerinik 25-nik sivisussusiligaavoq.
Angajoqqaatut sulinngiffeqarneq angajoqqaat akornanni kissaatigisaq malillugu avitseq atigiissutigineqarsinnaavoq.
Angajoqqaarsiatut sulinngiffeqarneq
Tak. Erninermut atatillugu sulinngiffeqartarnermut inatsimmi § 11 sulinngiffeqarnissaq akuerineqarsinnaavoq sulisup kommunemut najugaqarfigisaanut qinnuteqarnikkut. Kommunip suliffinngiffeqarnissaq akuerippagu sulisitsisup sulisoq sulinngiffeqartissavaa, akuersissummi piffissaliussaq malillugu.
Qitornavissiartaarnermi sulinngiffeqarneq
Qitornavissiassap tigunnginnerani
Erninermut atatillugu sulinngiffeqartarnermut inatsimmi § 8 naapertorlugu qitornavissiartaartut qitornassamik Kalaallit Nunaanni najugaqartup aaneranut atatillugu sapaatip akunnerani ataatsimi peqanngissinnaapput, qitornavissiartaassamik tigunissaa sioqqullugu.
Qitornavissiartaartussat qitornavissiassaminnik Kalaallit Nunaata avataanit aallertussat qitornap tigunnginissaa sioqqullugu sapaatip akunnerini pingasuni peqanngissinnaapput.
Qitornavissiap tigoreernerani
Erninermut atatillugu sulinngiffeqartarnermut inatsimmi § 9 malillugu qitornavissiartaartut tigusinerminniit sapatip akunnerini 15-ini sulinngiffeqarsinnaapput.
Sapaatip akunnerisa 15-it iluanni qitornavissiartaartut sapaatip akunnerini pingasuni ataqatigiissuni peqatigiillutik sulinngiffeqarsinnaatitaapput. Sapaatip akunneri sinneruttut angajoqqaajusup ataatsip kisimi sulinngiffeqarfigisinnaavai.
Qitornavissiartaartut marlunnik amerlanerusunilluunniit ataatsikkut qitornavissiartaartut sapaatip akunneri. 19-ini sulinngiffeqarsinnaapput. Sap.ak. 19-it taakku iluanni qitornavissiartaartut peqatigiillutik sulinngiffeqarsinnaapput sap.ak. pingasuni. Sap. ak. Sinneruttuni angajoqqaat arlaat kisimiilluni sulinngiffeqarsinnaatitaavoq.
Angajoqqaatut sulinngiffeqarnissamik toqqortaqarsinnaaneq
Erninermut atatillugu sulinngiffeqartarnermut inatsimmi § 14 malillugu sulisup sulisitsisullu akornanni isumaqatigiittoqarsinnaavoq angajoqqaatut sulinngiffeqarnermi sap.ak. sisamat kingulliit kingusinnerusumut toqqorneqarsinnaasut, sap. 21-t imaluunniit 25-t iluanni, qitornap tallimmiinnginnerani sulinngiffigineqarsinnaassallutik.
Sulinngiffeqarnissaq toqqorneqartoq atorneqassaaq minnerpaamik sap.ak. ataqatigiissumi ataatsimi.