Iluarsiissutit tunniunneqartassapput qaammatikkuutaartumik, kingumoortumik.

Imaappoq sulisitsisoq iluarsiissutinik pissarsisassaaq qaammammut ataasiarluni.

Amaatip – Kalaallit Nunaanni Erninermut atatillugu Aningaasaateqarfiup anguniartarpaa sulisitsisup iluarsiissutisiassanik qinnuteqaataata paasissutissanik eqqortunik imaqartup Aningaasaateqarfimmut apuunneraniit ullut 14-it ingerlaneranni naammassillugu suliarinissaa.

Erninermut atatillugu sulinngiffeqarnermut Aningaasaateqarfiup sulisitsisoq qinnuigissavaa sulinngiffeqarneq tamakkerlugu akissarsiat allagartaannik nassiusseqqullugu. Erninermut atatillugu Sulinngiffeqarnermut Aningaasaateqarfik taamaaliortussaavoq qulakkeerniarlugu iluarsiissutit tunniunneqartut sulisitsisup pissarsiaanut minnerpaaffimminni naleqqiunneqarsinnaanissaat.

Sulinngiffeqarnerup nalaani akissarsiat allagartaat misissorneqarlutillu akuerineqareeraangata Erninermut atatillugu Sulinngiffeqarnermut Aningaasaateqarfimmi suliaq nammassineqartarpoq.

Erninermut atatillugu Sulinngiffeqarnermut Aningaasaateqarfimmit paasineqassagaluarpat sulisitsisoq amerlanaakkanik tunineqarsimasoq, Aningaasaateqarfimmit sulisitsisoq qinnuigineqassaaaq amerlanaarutaasunik utertitsissasoq.

Pingaarnertut namminersorluni inuussutissarsiortoq Erninermut atatillugu Sulinngiffeqartarnermut Aningaasaateqarfimmit iluarsiissutinik pissarsisinnaatitaanngilaq. Erninermut atatillugu Sulinngiffeqarnermut Aningaasaateqarfimmit matumani innersuussutigineqassaaq erninermut atatillugu ullormusianik kommunerisamut qinnuteqarnissaq.

Iluarsiissutinik pissarsissagaanni qinnuteqartup qaammamusiassai ilanngussanik makkuninnga ilaqassapput:

• Atorfininnermut isumaqatigiissut assigisaaluunniit
• Akissarsiat allagartaat atorsinnaasoq ataaseq
• Naartunermut uppernarsaat aamma/iml. Inunngornermut uppernarsaat

Nalunaaquttap akunnermusiallit:

• Atorfininnermut uppernarsaat assigisaaluunniit
• Sulinngiffeqannginnermi sap.ak. kingullerni 13-ini akissarsiat allagartaat atorsinnaasut 13-it
• Naartunermut uppernarsaat aamma /Iml. Inunngornermut uppernarsaat

Naartunermut, erninermut qitornavissiartaarnermullu atatillugu Inatsisartut inatsisaanni nr. 5-imi, 19. november 2020-meersumi § 27, imm. 2-p  malitsigisaanik sulisitsisup sulisumi piffissami pineqartumi akissarsiassaasa 80 %-ii iluarsiissutisiffigisinnaavai.

Erninermulli atatillugu ullormusiat atuuttut tiimimut annertussusissaatut aalajangersakkat ataallugit pissarsisoqarsinnaanngilaq, tak. Erninermut atatillugu sulinngiffeqarnermut inatsimmi § 27, imm.3. 2021-mi minnerpaaffiliissut tiimimut kr. 100,17-iuvoq.

Erninermut atatillugu Suliffeqarnermut Aningaasaateqarfiup aammattaaq annertussusissaatut aalajangersakkat sinnerlugit tunniussisinnaanngilaq, tamannalu aalajangersarneqartarpoq ukiut tamaasa Inatsisartut Aningaasanut inatsit akuerigaangassuk. 2021-mi annertussusissaatut aalajangersakkap qaffasinnerpaaffissaa tiimimut kr. 125,00-uvoq.

Aap, sulisorisaq erninermut atatillugu sulinngiffeqarnermini akissarsisinnaatitaavoq.

Akissarsiassat aallaaviatigut sulisorisap nalinginnaasumik pissarsiassaasa 80 %-iisut annertussuseqartussaapput.

Tiimimusiatut akissarsiat tunniunneqartut qaqugumulluunniit atuuttussatut erninermut atatillugu sulinngiffeqarnermusiassatut aalajangersakkanit minnerusinnaanngillat.

Sulisitsisup pisussaaffiginngilaa annertussusissaatut aalajangersakkamit qaffasinnerusumik akissarsiaqartitsinissani, tak. Erninermut atatillugu Sulinngiffeqarnermut inatsimmi § 27, imm. 4, tamanna sulisorisap atorfininneranut atatillugu isumaqatigiissummi allassimanngippat.

Aap, sulinngiffeqarnermi ajunngitsorsiassat akissarsiat naatsorneqarsimanerannut ilaapput.

Sulisitsisup pisussaaffigaa erninermut atatillugu sulinngiffeqarnerup nalaani akissarsiaqartitsinissani, sulinngiffeqarnermi ajunngitsorsiassaqartitsinissani/sulinngiffeqarnermi akissarsiaqartitsinissani.

Aap, taamaaliortoqarsinnaavoq.

Erninermut atatillugu sulinngiffeqarnermut inatsimmi § 15-imi malittarisassat tamanna pisinnaatippaat.

Tamanna pisinnaavoq:

1. angajoqqaaq sulinngiffeqartoq toqukkut qimaguppat
2. angajoqqaaq sulinngiffeqartoq napparsimarujussuarnini pissutigalugu qitornaminik paarsisinnaanngippat imaluunniit
3. pissutsit immikkut ittut atuuppata.

Tak. Erninermut atatillugu Sulinngiffeqarnermut inatsimmi § 24, imm. 2 malillugu sulisitsisup sulisuminut sulinngiffeqartumut annerpaamik tunniussinnaavai sap.ak. 40 tiimit.

Taamatuttaaq sulisitsisoq Erninermut atatillugu Sulinngiffeqarnermut Aningaasaateqarfimmit annerpaamik sap.ak. 40 tiiminik iluarsiissutisisinnaavoq.

Erninermut atatillugu Sulinngiffeqarnermut Aningaasaateqarfiup taamaallaat sulisitsisumut iluarsiissutit tunniussinnaavai naartunermi sulinngiffeqarneq sap.ak. sisamanik sivisussusilik aallartikkaangat.

Sulinngiffeqartarnermut inatsisip § 19-ia malillugu sulinngiffeqarneq atorunnaarpat sulinngiffeqarnissap sinnera aamma atorunnaassaaq.

Matumanili pineqanngillat angajoqqaatut sulinngiffeqarsinnaanerup iluani sapaatip akunneri sisamat kingulliit, tak. § 12, § 13 naapertorlugu tamanna tulluarsarneqarsinnaammat imaluunniit § 14 malillugu kinguartinneqarsinnaammat.

Sulinngiffeqarneq taamaatinneqartutut isigineqalissaaq sulisoq suliffimminut uterpat assersuutigalugu akissarsiaqaqqilerluni, vagteqartarnermi pilersaarummut ilanngunneqarpat, suliassanilu nalinginnaasut uterfigeqqippagit il.il.

Aammattaaq sulinngiffeqarneq taamaatinneqartutut isigineqalissaaq sulinngiffeqartoq sulinermut atatillugu sulinngiffeqarpat tamanna akissarsiat pigiinnarlugit sulinngiffeqarneruppat imaluunniit ajunngitsorsiaqarluni sulinngiffeqarpat imaluunniit nammineq akilerlugu sulinngiffeqarpat.

Ilinniagaqartugaanni sulinngiffeqarneq atorunnaartutut isigineqalissaaq ilinniagaqartup ilinniakkaminik malinnaanera ima annertutigippat ilinniagaqarnermik aallussisutut isigineqarsinnaalluni.

Sulinngiffeqarnermik taamaatitsinertut isigineqarsinnaanngillat suliamut atatillugit ataatsimeersuarnermut, pikkorissarnermut, sammisaqarluni ulloqartitsinermut assigisaanilluunniit sivikitsumik peqataanerit.

Ilinniagaqartut taamatuttaaq ilinniarneq killilimmik malinnaaffigisinnaavaat ilinniagaqarnerup uterfigineratut isigineqanngikkaluartumik.

Soraarummeerneq sulinngiffeqarnermik taamaatitsinerunngilaq.